Farsæld

Horfðu á myndbandið og svaraðu spurningunum. Sendu svörin á ragnarkennari.

1. Raðaðu í rétta röð frá hinu elsta til þess yngsta.

a) heimspekingar sem spáðu í veruleikann

b) kristindómur

c) heimspekingar sem spáðu í tilgang lífsins

2. Hvað kölluðust „heimspekingarnir“ sem ferðuðust um og kenndu fólki mælskulist og annað gagnlegt?

3. Hver er þekktastur þessara „farandheimspekinga“.

4. Hvaða tvö orð eru stundum notuð um fullyrðinguna „Maðurinn er mælikvarði allra hluta.“?

5. Hvernig fletti Sókrates ofan af mönnum sem þóttust vita meira en þeir gerðu?

6. Hver urðu örlög Sókratesar?

7. „Ég veit það eitt að ég veit ekki neitt.“ Hver heldur þú að sé höfundur þessarar setningar? (Platón, Aristóteles, Prótagóras eða Sókrates).

8. Hvers vegna er erfitt að átta sig á því hverjar skoðanir Sókratesar sjálfs voru?

9. Lýstu hellislíkingu Platóns.

10. Nefndu átta fræðigreinar sem eiga uppruna sinn hjá Aristótelesi.

11.  Hver er „galdurinn“ á bak við hið góða líf, skv. Aristótelesi?

12. Örlæti er dygð. Hvaða öfgar fylgja henni að þínu mati?

13. Hvaða vandamál fylgja því að vera of góður við aðra að þínu mati?

14. „Lífið er svo erfitt!“ segja margir og geta bent á margar ástæður fyrir fullyrðingunni. Er rétt að segja að manneskjan hafi rangt fyrir sér og það sé ekki lífið sem sé erfitt, heldur geri manneskjan lífið sér erfitt?

15. Ætti siðfræðiþjálfun í anda Aristótelesar að vera þáttur í uppeldi og námi allra barna? Hverjir eru kostir og gallar þess?

Pælingar #1

Við ákveðum ekki allt sem við gerum. Margt gerist bara umhugsunarlaust. Þegar ég byrja að tala vel ég ekki orðin – þau koma bara. En ég get stoppað mig af ef ég vil.

Ég ákveð samt sumt. Þegar ég hef ákveðið það heldur það bara áfram að gerast og verður vani.

Persónuleikinn minn breytist þegar ég eldist og ég verð fyrir ýmsum áhrifum frá umhverfinu. Sá sem eyðir miklum tíma með fjölskyldu sinni getur orðið sammála henni í flestu á meðan sá sem eyðir miklum tíma einn verður sjálfstæðari. Aldursröð systkina hefur áhrif á persónuleikann.

Þar sem ég breytist með tímanum, bæði í útliti og persónuleika – kemur það fyrir að vaninn sem ég fylgi dags daglega er ekki lýsandi fyrir mig eins og ég er, heldur fyrir manneskjuna sem ég var einhverntíma áður.

Tíminn hættir að vera til ef allt hættir að hreyfast. Hann er aðeins mælikvarði á breytingar. Án breytinga er enginn tími.

Við sköpuðum Guð en ekki hann okkur. Guð gefur okkur auðveld svör við erfiðum spurningum og trúin á hann hjálpar okkur að mæta erfiðleikunum sem fylgja lífinu.

Það er rangt að refsa fólki fyrir að trúa ekki á Guð og það er líka rangt að verðlauna það fyrir að trúa. Flest okkar fermdust vegna þess að okkur fannst við verða að gera það – annarra vegna.

Verkefni: Skilaboð móttekin

1. Ef þið eruð með Segulljóð uppsett skuluð þið nota þau. Notið annars eitthvað ritvinnsluforrit. 

Setjið ykkur í spor starfsmanna á auglýsingastofu. Ykkur hefur verið falið að finna slagorð sem getur dugað í auglýsingaherferð. Ef þið notið Segulljóð skuluð þið reyna að búa til slagorð með orðum úr orðasúpunni sem þið kallið fram.

Sendið kennara slagorð fyrir:

1) Nýja tegund af vatnsheldri spjaldtölvu

2) Súkkulaðikex

3) Knattspyrnutímarit

4) Gosdrykk

5) Sjónvarpsþátt

2. Veljið eina af vörunum hér að ofan og hannið útlit hennar og nafn. Gætið þess að varan þarf að vekja athygli og vera aðlaðandi. Teiknið mynd og setjið nafn (helst lógó) inn á myndina og sendið kennara.

3. Gefum okkur að varan slái í gegn og forstjóri fyrirtækisins verði frægur. Hann fer í viðtal í glanstímariti. Hannið þrjár forsíður tímaritsins, t.d. með þessu forriti, og sendið kennara.

1) Forsíðu þar sem forstjórinn virkar gáfulegur

2) Forsíðu þar sem forstjórinn virkar hress og skemmtilegur

3) Forsíðu sem nær athygli lesandans (frjáls)

Forstjórinn þarf að vera í aðalhlutverki á forsíðunni.

Skilaboð móttekin 1

Hvor myndin fangar frekar athyglina?

Hér er reynt að fanga athygli þína með augnaráði

Ritgerðarspurningar, vorpróf '13

Af þessum fjórum efnum koma þrjú og velja má tvö á sjálfu prófinu:

Hatur.

„Það er bara mín skoðun. Ég hata femínista. Það ríkir skoðanafrelsi á landinu og þetta er ein af mínum!“

Þetta dæmi er kannski saklaust en varpar ljósi á þá spurningu hvort allar skoðanir séu leyfilegar eða hvort samfélagið eigi að setja skoðnum og/eða málfrelsi mörk. Ræddu spurninguna. M.a. má beina sjónum að:

líffræðilegar orsakir haturs og tengls við aldur

hræðilegar afleiðingar haturs og hatursglæpir

tungumálið sem tæki til af framkalla hatur

tengsl haturs og ofbeldis

heilaþvottur og áróður

Konur

„Hlutverk stráka eru öðruvísi en stelpna fyrst og fremst vegna vana. Ekkert segir að stelpur séu hræddari, viðkvæmari eða meiri pjattrófur en strákar. Samfélagið hefur gefið stelpum slík hlutverk og þau eru heimskuleg og vond fyrir stelpur.“

Er þetta rétt? Heldur þú að meðfæddur munur sé á kynjunum eða snýst kynjamunur fyrst og fremst um uppeldi? Er betra að vera strákur en stelpa? Kemst maður þá frekar upp með hluti eða fer maður auðveldari leið gegnum lífið? Eru konur kúgaðar enn í dag?

Hvað er stelpulegt og hvað er strákalegt?

Af hverju segir maður: „Hvað ertu sterkur?“ við litla stráka en „Voða ert þú dugleg/sæt“ við stelpur?

Karlar eignast líka börn og hugsa um þau – af hverju leika þá ekki fleiri strákar sér að dúkkum?

Karlar fá hærri laun en konur, getur verið að þeir verðskuldi það?

Síðu á Facebook þar sem birt eru karlrembuleg viðhorf manna hefur ítrekað verið lokað en erfitt hefur verið að fá lokuðum síðum sem gera lítið úr kvenfólki. Er það tilviljun?

Píslarvottar

Segðu frá þremur manneskjum sem þú lítur á sem píslarvott og berð virðingu fyrir. Manneskjan þarf ekki að hafa dáið fyrir baráttu sína en þarf þó að hafa fært fórnir eða þjáðst.

Dæmi um einstaklinga sem koma til greina:

Mahatma Gandhi

Jesús Kristur

Maximilian Kolbe

Elísabet Eckford

Rósa Parks

Malala Yusafzai

Viðmið og gildi

„Ef mannát væri eitthvað sem við værum vön þá væri enginn að kippa sér upp við það. Það er ekkert mikið ógeðslegra að drepa menn en dýr og kjöt er bara kjöt. Okkur finnst ekkert mál að borða kjöt drepinna dýra, okkur þætti heldur ekkert mál að borða kjöt af mönnum – ef það væri vaninn.“

Er þetta rétt? Heldur þú að hægt væri að skapa samfélag þar sem almenningi þætti sjálfsagt að borða kjöt af öðrum mönnum. Eða er eitthvað sem kemur í veg fyrir að við vildum/gætum það? 

Hér má hafa í huga:

Margar kvikmyndir sýna hörmulegar aðstæður í sláturhúsum og jafnvel grimmd. Samt virðist slíkt hafa lítil áhrif og tímabundin á kjötætur.

Myndi skipta máli hvernig fólkið væri líflátið?

Myndi skipta máli hvaða fólk væri líflátið?

Heimsreisukynningar nemenda

Heimsreisa on Prezi

Ársól, Emma, Helga, Sólveig

Heimsreisa – verkefni

iBooks

pdf